Свет
17. March 2019 - 21:58

Гугл ја отфрли критиката на Трамп дека соработува со армијата на Кина

Компанијата „Гугл“ ги отфрли наводите на американскиот претседателот дека оваа компнија помага на Кина и нејзината армија, јави денеска „Ен-Би-Си Њуз“.

– Ние не работиме со кинеската армија. Ние работиме со американската Влада, вклучувајќи го и Министерството за одбрана, и тоа во повеќе области како кибер безбедноста, кадрите и здравствто, изјави претставник на компанијата.

Трамп претходно на својот Твитер налог напиша соопштение дека „Гугл“ ја помага кинеската армија, но не САД.

Критиката од страна на американскиот претседател до оваа корпорација следуваше откако генералот Џозеф Данфорд, претседател на Комитетот на началници на штабовите на оружените сили на САД, изјави дека дејноста на „Гугл“ во Кина е во полза на армијата на таа земја.