Турската операција во Сирија сè уште не е почната
Планираната турска воена операција во Сирија не е почната и во моментов се извршуваат финални подготовки, соопштија турски воени извори.
Според истите извори, распоредувањето на сили и воена опрема веќе е завршено.
Војници со тешка техника отстранија бетонски огради на пунктови на границата.
Турскиот министер за одбрана Хусур Акар денеска изјави продолжуваат подготовките за очекуваниот упад на територија на Сирија.
– Нашите напори во врска со офанзивата продолжуваат како и подготовките, изјави Акар за Анадолија.
Во меѓувреме, турската агенција јави дека Националната коалиција на сириските револуционерни и опозициски сили соопштила оти е подготвена да се бори против тероризмот заедно со Турција.
Коалицијата ја потврдила својата заложба за борба против тероризмот во сите негови форми и за соработка со партнерите за пораз на терористичките организации.
Закрилната организација, позната и како Сириска национална коалиција, „е подготвена да се бори против тероризмот во соработка и заедничко дејствување со браќата во Турција, со цел да ги заштити националните интереси на сирискиот народ заедно со Арапите, Курдите, Туркменците, Асирците и други“, се вели во соопштението кое го цитира Анадолија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка