АБА лига: МЗТ поразен од Сутјеска
Кошаркарите на МЗТ Скопје се поразени со 91:79 на гостувањето кај Сутјеска во Никшиќ, резултат по кој е сигурно дека поранешниот македонски шампион ќе го заземе третото место во втората лига на АБА пред стартот на плеј-офот за враќање во првата.
Ова доаѓа откако нивните ривали за второто место, Сараево Спарс ја забележаа и осмата победа во низа, од 79:66 над словенечкиот Домжале.
„Металците“ имаа лош старт на мечот, губејќи ја првата четвртина со 30:21, за на полувреме разликата да зголеми на дури 16 поени (54:38). Лошата игра продолжи и во второто полувреме, пред МЗТ да има фантастичен финиш на натпреварот, кој сепак, не беше доволен за победа во Црна Гора.
Бојиќ беше најефикасен за МЗТ со 18 поени, Вудард додаде 17, а Соколов и Дамјан Стојановски имаа по 10. За домаќините Павличевиќ уфрли дури 28 поени.
МЗТ се на третото место на табелата со скор од 14-7, зад второпласираните Сараево Спарс (16-5) и лидерите Приморска (19-1).
Ново на Сител
-
САД: Можни се терористички напади врз претставници на ЛГБТ заедницата ширум светот
-
Зеленски: Русија нема сила повторно да го нападне Киев
-
Сончево и топло, попладне локално дожд и грмежи
-
Состојба на патишта
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт