Апсења во Иран поради објавени фотографии на Инстаграм без хиџаб
Осум лица се уапсени бидејќи на Инстаграм објавувале фотографии кои не се согласно исламските правила, вклучувајќи и фотографии на кои жените се без хиџаб, соопшти Судот за кибер криминал во Техеран.
Апсењата се извршени по двегодишна истрага под името „Пајак 2“, а на мета се најдоа и фотомодели поради поставување фотографии со пуштена коса, што е забрането за жените во јавност уште од Исламската револуција во 1979 година.
Според судскиот извештај, за време на операцијата биле идентификувани 170 лица кои учествувале во креирањето и објавувањето на фотографии на Инстаграм, меѓу кои 59 фотографи и шминкери, 58 фотомодели, 53 менаџери и работници во модни студија.
- Откривме дека околу 20 отсто од фотографиите на Инстаграм од Иран ги поставуваат луѓе од модните кругови, изјави претставникот на судот Џавад Бабаеи.
Тој истакна дека нивна должност е да им се „спротивстават на оние кои на организиран начин шират неморал, неисламска култура и промискуитет“.
Инстаграмот е исклучително популарен во Иран, бидејќи е достапен за сите граѓани, за разлика од Фејсбук, Твитер и Јутјуб, кои се блокирани.
Ново на Сител
-
Пронајдени телата на четворица мигранти, спасени 52 лица во близина на брегот на Тунис
-
Северозападна Индија ја зафати топлотен бран, температурата во Њу Делхи достигна 47,1 степен
-
Променливо облачно и нестабилно со пороен дожд и грмежи
-
Состојба на патиштатa
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз