Бомбардирањето на болницата во Кундуз е воено злосторство, обвини „Лекари без граници“
Меѓународната хуманитарна организација „Лекари без граници“ денеска соопшти дека постапува согласно претпоставката дека бомбардирањето на нејзината болница во Кундуз во Авганистан за време на викендот било „воено злосторство“.
Американскиот државен секретар Ештон Картер најави полна истрага за тоа дали американската армија била вклучена во нападот на болницата во кој загинаа 22 лица, но предупреди дека ќе биде потребно време да се соберат информации.
- Авганистанската влада тврди дека талибанските сили ја користеле болницата за пукање врз коалициските сили. Ваквите изјави имплицираат дека авганистанските и американски сили одлучиле да ја срамнат со земја болницата која била во полна функција, што е еднакво на признавање на воено злосторство, тврди организацијата.
Во меѓувреме ОН соопштија дека сите меѓународни хуманитарни организации веќе го напуштиле Кундуз.
Во нападот на американските воени авиони на болница на „Лекари без граници“ во Кундуз во саботата беа убиени 22 лица, а хуманитарните организации инцидентот го нарекоа воено злосторство.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o