Чудо: Брачна двојка загина во сообраќајка, четири години подоцна се роди нивниот син
Дека животот пишува романи покажа случајот на две кинески семејства кои пронајдоа неверојатен начин да ја зачуваат својата семејна лоза, пренесе Чајна дејли.
Во март 2013 година млада кинеска двојка загина во сообраќајна несреќа, само пет дена пред закажаниот пренос на ембрион настанат со вонтелесно оплодување.
Бидејќи и двајцата загинати биле единци, единствен начин да се продолжи нивната фамилијана линија била таа, нивните родители да го зачуваат ембрионот и потоа да пронајдат сурогат мајка.
Со првите проблеми се соочија поради непостоење на закон со кој би се регулирало кој во ваквите случаи би располагал со ембрионот, па се досетиле едното семејство формално да го тужи другото семејство.
Кога тоа се решило, се појавил друг проблем.
Ембрионот не можеле да го преземат зошто трансферот на ембрион во Кина може да биде направен само меѓу здравствени установи.
Друг проблем било и тоа што сурогат родителството е забрането во Кина. Семејствата морале да се свртат кон илегални агенции и една од таквите им пронашла болница во Лаос која била подготвена да го преземе ембрионот.
Во Лаос успешно е направено вештачкото оплодување.
На радост на бабите и дедовците, сурогат мајка од Лаос во декември 2017 година го роди момчето Тиантиан во болница во кинескиот град Гуангзу.
-Беше судено Тиантиан да дојде на овој свет. Ќе му кажеме дека неговите мајка и тако се во странство, додека не биде доволно голем да сфати. Тогаш ќе му ја кажеме вистината, рече гордиот дедо.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош