Демонстранти во Белград со „жив синџир“ ја опколија зградата на Претседателството
Демонстранти во Белград денеска по 13.00 часот почнаа да прават „жив синџир” околу зградата на српското Претседателство во обид да го спречат српскиот претседател Александар Вучиќ да го напушти објектот.
Претседателот на Двери и еден од лидерите на Сојзуот за Србија, Бошко Обрадовиќ, денеска изјави дека се собрале пред Претседателството на Србија да го повторат барањето за оставка на целиот државен врв и дека РТС треба да му се врати на граѓаните на Србија и дека на опозицијата и организаторите на протестот „Еден од петте милиони” да им се дозволи да зборуваат во вечерните вести на РТС.
Тој рече дека на српскиот претседател Александар Вучиќ нема да му дозволат да излезе од зградата на Претседателството.
– Денес сме тука за да го испратиме, и да му порачаме -оставка, оставка, оставка, рече Обрадовиќ и ги повика жителите на Белград да им се придружат на демонстрантите пред Претседателството.
Тој рече дека „Вучиќ е опколен” и дека тој може само да излезе од зградата низ „глувчешки канали”.
– Ова е добар народ кој има лоша власт. Мора заедно да ја ослободиме Србија, нагласи Небојша Зеленовиќ, претседател на Заедно за Србија.
Драмскиот писател Синиша Ковачевиќ реќе дека Александар Вучиќ „веќе не е претседател“ и дека тие „ќе го известат за тоа“.
-Вучиќ веќе не е претседател, само тоа не му го кажале. Ние ќе го известиме за тоа, нагласи Ковачевиќ.
Пред Претседателството се голем број полицајци и голем број граѓани кои ја опколија зградата. На камион со разглас се менуваат говорници. Демонстрантите извикуваат – Оставка, Уапсете во Вучиќ…
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд