Десетици торнада го погодија централниот дел на САД
Десетици торнада го погодија централниот дел на САД, при што се повредени најмалку три лица и предизвикана е значителна материјална штета, соопштија локалните власти.
Американската метеоролошка служба (NWS) регистрираше повеќе од 70 торнада низ целата земја, повеќето од нив околу градот Омаха, Небраска и во близина на Ајова.
Резултатот е десетици уништени згради и домови, скршени далноводи и излетани возови од шините.
Во Елхорн, предградие на Омаха, фотографиите објавени на социјалните мрежи покажуваат урнати куќи, разнесени покриви и голи дрвја.
„Спасувачите продолжуваат да ги проверуваат погодените домови и им пружаат помош на сите повредени“, објави полицијата на Омаха на мрежата Икс.
На југ, во близина на градот Линколн, торнадо погоди индустриски комплекс.
Околу 70 луѓе биле евакуирани кога се урнала зграда, но тројца се здобиле со повреди кои не се опасни по живот, соопштија властите на округот Ланкастер на прес-конференција.
NWS, кој вчера издаде голем број предупредувања за торнадо за неколку држави во централниот дел на САД, предвидува дека временскиот феномен ќе продолжи и во текот на денешниот ден.
Торнадата се релативно чести во САД, особено во централните и јужните делови на земјата.
Ново на Сител
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови