-->
-->
Еуробаскет 2015: Одработен и вториот тренинг во Арена
-->
Македонските кошаркари го одработија вториот (утринскиот) тренинг во загрепска Арена, каде в сабота ќе го започнат својот настап на 39-тото Европско првенство.
Македонија е во Ц групата, а противници редоследно ќе ги има Грција, Холанија, домаќинот Хрватска , Грузија и Словенија.
Селекторот Марјан Србиновски ја потенцира позитивната атмосвера во редовите на „црвено-жолтите„ истакнувајќи дека неговите избраници се високо мотивирани, да се борат за националниот дрес.
- Играчите со нетрпение го очекуваат почетокот на ЕП. За нив ова натпреварување е голем предизвик и мотив, почнувајќи од утрешниот дуел со Грците. Очекувам да се покажеме во вистинско светло, да одиграме најдобро што можеме со борбеност и мотивираност на секој меч. Да изгледаме како тим и да изгинеме до последен атом енергија. А, каков епилог ќе донесе нашата игра, ќе видиме...“, изјави Србиновски.
Улогата на фаворит ја имаат нашите Јужни соседи, а Македонија секогаш знаела да одигра најдобро токму кога била во улога на „аутсајдер„.
- Фаворитската улога им ја препуштаме ним, а ние ќе се бориме и ќе сториме се за на крајот да ја израдуваме публиката, не само оние кои ќе бидат овде туку и сите во Македонија, додава селекторот Србиновски.
Македонија го отвора шампионатот утре со дуелот против Грција од 18 часот, кој ќе биде емитуван на фреквенцијата на ТВ СИТЕЛ, додека дуелите Холандија – Грузија (15 часот) и Хрватска – Словенија (21) на фреквенцијата на Сител 3.
Од Загреб, Игор Трпески
-->
-->
-->
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа