„Гардијан“: Западот сам придонесува за регрутирање нови терористи
По терористичките напади во Париз на 13 ноември, западните политичари со отворени очи паѓаат во замката на терористите, исто како што направија и по 11 септември 2001 година, наведува германскиот новинар Јирген Тоденхофер во авторски текст во лондонскиот весник „Гардијан“.
Според него, како и по нападите во Њујорк и Вашингтон во 2001 година, западните политичари и сега се одмаздуваат со бомби, убивјаќи првенствено недолжни цивили, со што создаваат терен за регрутирање на нови терористи.
- „Војната против теророт“ што ја објави американскиот претседател Џорџ Буш (по нападите на 11 септември), се покажа како класична програма за регрутирање терористи, наведува германскиот новинар.
Според него, несфатливо е како „водечките политичари на научиле ништо за време на 14-те години од контрапродуктивната војна против тероризмот“ и натаму веруваат дека „од осите можеш да се ослободиш, ако им го уништиш гнездото“.
Тој наведува дека во 2001 година во Авганистан имало само неколку стотици исламски терористи, а денес „кога војната против теророт однесе дури милион жртви, се соочуваме со околу 100.000 терористи“.
- ИД е создадена шест месец по инвазијата (во Ирак). Таа е чедо на Буш, смета Тоденхофер.
Според него, Западот треба да направи три работи за успешна борба против ИД.
- Прво, САД да ги спречат заливските земји да им испорачуваат оружје на терористите во Сирија и Ирак. Второ, Западот да и помогне на Турција да ги затвори границите за да се спречи приклучување на нови борци кон ИД. И трето да се направи национално помирување во Ирак и Сирија и сунитите повеќе да се интегрираат во полиитчкиот живот. По ова ИД ќе биде готова, како риба надвор од вода, заклучува Тоденхофер во авторскиот текст во „Гардијан“.
Ново на Сител
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез