Ѓоковиќ остана без титула на Австралија Опен
Италијанецот Јаник Синер е првиот финалист на Австралија Опен, откако претпладнево во полуфиналниот двобој го совлада десеткратниот освојувач на грен – слем турнирот во Мелбурн, Србинот Новак Ѓоковиќ, со 6-1, 6-2, 6-7, 6-3.
Четвртиот носител во Мелбурн во првите два сета му препушти само три гема на Ѓоковиќ, по што најдобриот светски тенисер во неизвесен тајбрејк (8-6), ја намали предноста на Синер. Но, во четвртиот сет Синер му одзеде сервис на Ѓоковиќ во четвртиот гем, поведе со 3-1, и предноста од освоениот брејк ја задржа до крајот на дуелот за голема победа и пласман во финалето на првиот грен – слем турнир во новата сезона.
За Синер ова е прво грен – слем финале во кариерата.
На патот до финалето Синер не загуби ниту еден сет и воедно ја прекина импресивната серија на Ѓоковиќ од 33 победи во низа во Мелбурн.
Од триумфот во 2019 година Ѓоковиќ беше непобедлив на Австралија Опен, триумфирајќи и во 2020, 2021 и 2023, додека во 2022 не смееше да настапи, бидејќи одби да се вакцинира против коронавируст.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска