Гореле куќа и слама во кумановско, поради неисправна електрична инсталација

Два пожари се случиле вчера на подрачјето на кумановско, информираше денеска Регионалниот центар за управување со кризи во дневниот билтен. Припадниците на територијалната противпожарна единица интервенирале на опожарена слама и на куќа во кумановска населба.

– Првата на опожарена копи слама, складирана во напуштен објкет на поранешен ЗИК Куманово РЕ краварство во село Љубодраг. Интервенирано е во 07:10 часот со три противпожарни возила и шест пожарникари. Пожарот е ликвидиран и завршен во 09:35 часот, причината како и висина на материјалната штета допрва ќе се утврдува, информира РЦУК Куманово.

Пожарникарите гаселе пожар на семејна куќа во населбата „Перо Чичо“ во периодот од 12:30 до 13:05 часот со едно противпожарно возило и пет пожарникари. Причина за пожарот била неисправна електрична инсталација, соопштија од РЦУК Куманово.