Јункер подготвил план за иднината на ЕУ без Велика Британија
Претседателот на Европската комисија Жан-Клод Јункер утре ќе го претстави неговиот план за иднината на Европската унија по заминувањето на Велика Британија, најави денеска неговиот портпарол Маргаритис Шинас.
Таканаречената „Бела книга“ на Јункер ќе биде претставена пред Европскиот парламент откако денеска документот ќе го разгледаат еврокомесарите.
Потоа, лидерите на ЕУ на самитот на 9-10 март ќе го разгледаат планот на Јункер, што, како што наведе Шинај, има за цел да покренe дебата пред состанокот во Рим.
На тој состанок во Рим на 25 март, што се одржува по повод годишнината од Римските договори со кои е основана ЕУ, ќе биде усвоена посебна декларација за новите планови за иднината.
Римската декларација веројатно ќе ги опфати наредните десет години и се претпоставува дека ќе содржи сугестија за „Европа со повеќе брзини“ со која членките на ЕУ ќе можат да одлучат колкава интеграција сакаат.
Лидерите сакаат да ја поведат Европа напред и да не дозволат целиот европски проект да пропадне во, како што се очекува, многу тешки преговори со Велика Британија за нејзиниот излез, што се очекува да се случи во 2019 година.
Ново на Сител
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање
-
Следната недела СДСМ ја почнува постапката за избор на ново раководство
-
МЗ како портпарол на Токсикологија со обвинувања за Нико Беќаровски - професорот негира и најави тужба
-
Македонија 2025: Дијаспората сака да помогне, власта нема слух
-
Жителите на прилепско Ореовец денеска се собраа на нов протест
-
Полагање матура во холови и спортски сали, наместо во училници
-
Преглед на вестите од светот