ОБСЕ/ОДИХР ќе ги соопшти првичните оценки за претседателските и парламентарните избори
Набљудувачите на ОБСЕ/ОДИХР денеска на прес-конференција во 15 часот ќе ги соопштат првичните согледувања од мониторингот на вчерашниот втор круг од претседателските избори и на парламентарните избори.
Шефицата на мисијата на ОБСЕ/ОДИХР за набљудување на изборите Џилијан Стирк, вчера изјави дека ќе ги разгледаат извештаите за изборниот процес од целата земја, а потоа ќе донесат заклучоци базирани на мониторингот на нивните набљудувачи.
Мисијата на ОБСЕ/ОДИХР за мониторинг на изборите имаше повеќе од 300 набљудувачи на гласачки места низ државава за следење на процесот на вториот круг од Претседателските избори и на Парламентарните избори.
Стирк со нејзиниот тим е во Скопје од 20 март и, како што рече, имаат и долгорочни набљудувачи распоредени низ целата земја на девет различни локации следејќи ги сите аспекти во подготовките за овие избори.
Ново на Сител
-
Таткото на осомничениот за убиството на Данка Илиќ излегува на слобода
-
Касами: Добро оди целата процедура за договорање на следната влада
-
Внимавајте: Се шири линк до лажна веб страна на Владата која краде податоци за кредитни картички
-
Националниот ден на Власите - 23 Мај, неработен за припадници на влашката заедница
-
Поевтинуваат горивата ова се новите цени
-
Тешко повреден велосипедист во сообраќајка на Средно Водно
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор