Османи: Препораката од ЕК е валоризација за направеното во овој период
Чистата препорака од Европската комисија до Советот за започнување на преговори е валоризација за направеното во овој период, меѓутоа тоа што е најважно е дека Македонија е друга држава после помалку од една година.
Ова вечерва го истакна вицепремиерот задолжен за евроинтеграции Бујар Османи во емисијата Топ Тема на телевизијата Телма.
- Денеска е ден на сите граѓани на Република Македонија, денеска е европски ден на Македонија. Самиот факт што денеска имаме тројца еврокомесари и шест премиери од регионот кажува дека Македонија станува позитивната приказна во регионот и во ЕУ, рече Османи.
Пред речиси само една година, уште нема година од 27 април, посочи, Македонија беше на работ на конфликт, на работ на бездна.
- И денеска тројца еврокомесари доаѓаат и ја вреднуваат државата како вратена на својата евроатлантска патека со вистинска реална перспектива за членство во ЕУ и НАТО, потенцира Османи.
Според него, ова е една значајна одредница, една значајна мотивација и охрабрување за продолжување понатаму.
- Кога ќе постигнете резултат ќе затворите едно поглавје, отворате ново и започнувате со уште посилна динамика. Мислам дека тоа дава резултати. Ова е заслуга на целото општество. Денеска треба да бидат задоволни сите граѓани независно од етничката и партиската припадност, додаде Османи.
Ново на Сител
-
САД: Можни се терористички напади врз претставници на ЛГБТ заедницата ширум светот
-
Зеленски: Русија нема сила повторно да го нападне Киев
-
Сончево и топло, попладне локално дожд и грмежи
-
Состојба на патишта
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт