Промена на временските прилики, попладне дожд и снег
Времето претпладне во Македонија ќе биде променливо облачно, а попладне ќе има повремени врнежи од дожд проследени со ретки грмежи. Кон крајот на денот и во текот на ноќта на планините ќе има и појава на повремен снег. Преку денот ќе дува умерен, во западните делови повремено засилен западен ветер кој до вечерните часови ќе преминува во постуден северен ветер.
Утринската температура ќе се движи од два до девет, а дневната од 15 до 23 степени.
Во Скопје слично време, претпладне променливо облачно, попладне со услови за повремен дожд со можна појава на ретки грмежи. Претпладне ќе дува западен, а попладне северен ветер. Утринската температура ќе се спушти до седум, а дневната ќе достигне до 21 степен.
Утре дневните температури позначително ќе опаднат и ќе се движат во интервал од седум до 14 степени. Ќе има и услови за појава на повремен дожд претежно во југозападните делови од земјата. На палнините на југот понекаде ќе има и врнежи од снег.
Во периодот до крајот на работната недела ќе преовладува стабилно време со пониски утрински температури. Дневните температури ќе бидат во постепен пораст и од среда ќе започнат да надминуваат 20 степени.
Ново на Сител
-
Тешко повреден велосипедист во сообраќајка на Средно Водно
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор
-
Лишен од слобода кавадарчанец кој му се заканувал на градоначалникот
-
Царинска управа: Одземена дрога испратена во мала пратка и огнено оружје од скопјанец
-
Едно лице загина, две се повредени во сообраќајка што се случи вчера на автопатот Куманово-Скопје
-
Во руски напад врз областа Харков загинаа 11 лица
-
Герапетритис: Договорот од Преспа не се менува и не се ревидира еднострано