Романот „Црната кралица Косем-султан“ објавен на македонски јазик
Романот „Црната кралица Косем-султан“ од познатата турска авторка Демет Алтинјелеклиоглу е објавен на македонски јазик. Романот го преведе Нејат Селман, а го објави издавачката куќа „Бата прес“.
Романот е инспириран и напишан според вистинските историски настани во Османлиската империја, во седумнаесеттиот век. Борба за власт, убиства на можните претенденти на тронот, љубов и интриги во сарајот на султанот. Анастасија е подготвена на се за да стане најмоќната жена во Империјата. Силна, борбена и величествена. Ангел и демон во една личност. Во историјата е наречена црната кралица. За султанот Ахмед таа беше неговата Махпејкер (месечина) и Косем (водач).
Но, длабоко во себе, таа била една побожна попска ќерка, грабната од грчкиот остров Милос. Кога имала само петнаесет години, од Куманово, преку Скопје и Солун таа пристигнала во харемот на султанот во Цариград и била само една од многуте девојки што служеа во сарајот. Нејзината несекојдневна убавина и интелигенција ја забележала бабата на султанот Ахмед. Таа ја зела младата девојка под нејзина закрила, подготвувајќи ја за улогата што и самата некогаш ја имала. Анастасија станала најомилената жена на султанот, а по неговата смрт најсилната владетелка во Османлиската Империја. Сега како султанка, морала да го прифати предизвикот, интригите во палатата и секогаш да биде будна за непријателите што чекор по чекор се прикрадувале и биле смртна закана за неа и смртна закана за нејзините деца...
Авторката Демет Алтинјелеклиоглу е родена во Анкара. Таа дипломирала политички науки при универзитетот во Анкара. Од 1980 година, Демет работела како директор во различни сектори во ТРТ – турската радио и телевизија. Автор е на повеќе дела, а работи и како преведувач. Алтинјелеклиоглу со својата фамилија живее во Бодрум и Мајами. Романот за Косем-султан е една од најпродаваните и најпопуларните книги во Турција и е преведен во многу земји во светот, а според него е снимена и телевизиска серија што се прикажува во повеќе земји.
Ново на Сител
-
Почина пациентот на кој за прв пат во светот му беше трансплантиран бубрег од свиња
-
Македонија оди на сè или ништо против Фарски Острови
-
Трговски центар во Варшава со 1.400 продавници изгоре во пожар | ВИДЕО
-
Укината пресудата за пожарот во модуларната болница во Тетово: Директорите на ново судење, докторот Вучевски на слобода
-
Инаугурација на новата претседателка Гордана Сиљановска Давкова
-
ВМРО- ДПМНЕ и Вреди договорија начела за соработка за идна влада
-
Швајцарија победи на Евровизија
-
Во Скопје посебен сообраќаен режим поради улична трка