Соботка: Ќе ја поддржиме соработката на ЕУ со Турција, но сакаме гаранции
На денешниот вонреден Самит на ЕУ со Турција, Чешка ќе го поддржи Договорот за продлабочување на соработката, но ќе бара Анкара да овозможи регулација на миграцијата, заштита на сопствените граници и стопирање на слободен шверц на луѓе.
Ова, како што јави дописникот на МИА од Прага, е договорено на синоќешната седница на Владата на премиерот Бохуслав Соботка.
Земјите-членки на ЕУ веќе се договорија во наредните две години со три милијарди евра, од кои Чешка ќе придонесе со 25 милиони евра, да и помогнат на Турција да го совлада проблемот со миграцијата.
- Турција, мора да воведе мерки за заштита на границите за да се овозможи регулација на миграцијата на своја територија и да го запре непреченото функционирање на шверцерите, изјави Соботка.
Чешкиот премиер потенцира дека Европа треба да има контрола над користењето на средствата.
- Една од работите, кои ќе ги барам на состанокот на Европскиот совет е средствата да се ослободуваат по фази и со полна контрола од страна на Европа за што ќе се користат, односно да бидат наменети за намалување на последиците од бегалската криза, додаде Соботка.
Ново на Сител
-
Преодно стабилизирање на времето се очекува во петок
-
Косово и САД потпишаа договор за борба против манипулирањето на информации од други држави
-
Вучиќ најави дека утре ќе отпатува во Њујорк за да се спротивстави на усвојувањето на резолуцијата за Сребреница
-
Лидерите на „ВРЕДИ“ на средба со Албин Курти
-
Нетанјаху го обвини Ганц дека „му дал ултиматум на премиерот, наместо на Хамас"
-
Маск пристигна на Бали поради планираната достапност на интернет услугата Старлинк
-
Првата официјална посета во странство на претседателката Сиљановска Давкова во Ватикан и Рим
-
Каселакис до Мицотакис: Ако сметате дека Договорот од Преспа е предавнички, еве Ви шанса да го поништите, но нема да го сторите тоа