Столтенберг: Се надевам дека при следното доаѓање, ќе бидам во земја членка на Алијансата
За неколку недели ќе имате референдум на кој треба да се одлучите за иднината, за вашето членство во ЕУ и во НАТО. На вас е да одлучите дали ќе гласате и ќе го изразите мислењето, а НАТО е подготвен да ве прифати како 30. земја-членка, изјави денеска генералниот секретар Јенс Столтенберг за време на посетата на скопското село Стајковци, кое беше зафатено од поплавите пред две години.
Истакна дека на самитот во јули, сите членки на Алијансата се согласија Македонија да стане членка и да почне преговори за пристапување.
- Ако го имплементирате договорот за името, ке станете земја-членка на НАТО. Се надевам дека следниот пат кога ќе дојдам тука, ќе дојдам како земја-членка на Алијансата, рече Столтенберг.
Тој рече оти е среќен денеска што го посетува Стајковци, ја посочи помошта што војниците на НАТО ја пружиле на граѓаните пред две години за време на поплавите и истакна дека Алијансата ќе продолжи да биде тука да пружа помош кога е потребно.
- НАТО е повеќе од воена Алијанса, тука сме да помогнеме да ги направиме луѓето безбедни, додаде Столтенберг.
Градоначалникот на општина Гази Баба, Борис Георгиевски, кој оствари средба со Столтенберг, рече оти НАТО отсекогаш бил партнер на Македонија и оти е сигурен дека земјата ќе стане 30-та членка на НАТО.
Му се заблагодари на генералниот секретар за она што претставувало нивна несебична и професионална помош за време на поплавите пред две години, во моменти кога на граѓаните им било најтешко
Ново на Сител
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук