Столтенберг: Тензиите меѓу Турција и Грција не се работа на НАТО
Лидерите на Турција и Грција треба сами да ги решат прашањата што предизвикуваат тензии во односите меу двете земји, бидејќи тоа не е работа на НАТО, изјави генералниот секретар на Алијансата, Јенс Столтенберг.
- Мислам дека одредени недоразбирања што се појавија меѓу нив треба да се решат во рамките на добрите односи. Бев многу среќен кога дознав дека премиерите на двете земји во последиот телефонски разговор се согласиле проблемите да ги решат преку дијалог, вели Столтенберг во интервју за турската агенција Анадолија.
Столтенберг, кој утре ќе допатува во посета на Турција, нагласува дека вратата на НАТО останува отворена за прием на нови членки, за што најдобриот доказ е приклучувањето на Црна Гора кон Алијансата минатата година.
- Продолжуваме да работите со Македонија, Босна и Херцеговина и Грузија. Давајќи им поддршка на трите земји кои сакаат да бидат членки, ние им помагаме да ги постигнат нивните евроатлантски цели, додава првиот човек на НАТО.
Столтенберг во интервјуто нагласува дека целта на неговата посета на Турција е подготовката за престојниот самит на НАТО во јули во Брисел, додавајќи дека со турскиот претседател Реџеп Тајип Ердоган, со шефот на дипломатијата Мевлут Чавушоглу, и со министерот за одбрана Нуретин Џаникли ќе разговара за повеќе регионални и глобални прашања.
Според мего, Турција е значаен и клучен сојузник на Алијансата пред се поради нејзината стратешка положба и затоа ги смета за многу важни консултациите со турските лидери околу подготовките за Самитот во Брисел на кој ќе се разговара за повеќе значајни теми во однос на тоа како НАТО да се адаптира во услови на зголемени безбедносни предизвици.
- Турција е важна за НАТО, но и НАТО е важен за Турција, истакнува Столтенберг во интервјуто.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд