Тодоров: Ние сме и за хуманост и за безбедност
Нашите безбедносни сили имаат уставно право и обврска да ја чуваат и штитат границата и тоа многу успешно го работат, како што и хумано се однесуваат кон мигрантите. Хуманоста и безбедноста не се двојат, тие одат заедно, рече министерот за здравство Никола Тодоров во врска со инцидентот што денеска беше предизвикан од страна на економските мигранти кои се уште се држат на грчка територија.
Тодоров попладнево во улога на раководител на Управувачкиот комитет за менаџирање со бегалци имаше состанок во Гевгелија, придружуван од министерот за одбрана Зоран Јолевски и заменик-министерот за внатрешни работи Митко Чавков. Во изјава за медиумите тој потврди дека полесно биле повредени неколку припадници на безбедносните сили.
- Со поставување ограда на јужната граница со Грција денеска почна операционализацијата на заклучоците на Националниот совет за безбедност запреземање техничко-тактички мерки за насочување на протокот на бегалците кон контролните пунктови заради нивна регистрација и хуман третман во земјава. Со активностите што ги почнавме денеска ние им помагаме на мигрантите, но и на Европа подобро да се органиизра и канализира и во различни форми да се стеснува и организира рутата низ која минуваат низ нашата земја, заради зголемување на безбедноста наша, но и на мигрантите и да се минимизираат безбедносните ризици, рече Тодоров.
Посочи дека границата останува отворена и понатаму и дека денеска протокот на мигранти од подрачјата со воени дејства (Сирија, Авганистан и Ирак) бил вообичаен и течел без проблеми од нивното доаѓање во кампот до ниво заминување кон север.
По состанокот делегацијата замина на местото каде се одвиваат работите за поставување на оградата и на медицинските пунктови и другите служби во Привремениот транзитен центар за мигранти во Гевгелија.
Ново на Сител
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни
-
СЗО: Медицинска помош не е влезена во Газа од израелското заземање на преминот Рафа, на 6 мај
-
Словачкото обвинителство побара притвор за напаѓачот на премиерот Фицо, судот за тоа ќе одлучува утре
-
УЈП ги потсетува граѓаните да ги проверат своите годишни даночни пријави за 2023
-
Тешко повредено едно лице откако српско возило излетало од автопатот Неготино - Демир Капија