УНЦХР: Во Грција годинава влегле над 700.000 имигранти
Во првите десет месеци од оваа година на територијата на Грција влегле повеќе од 700.000 имигранти, од каде потоа барале разни патишта за да стигнат до богатите држави во Европа, покажуваат најновите податоци на Високиот комесаријат на ОН за бегалци (УНЦХР).
Податоците се појавуваат во време кога во Брисел се среќаваат турскиот премиер Ахмет Давутоглу и лидерите на земјите-членки на ЕУ, со цел да постигнат договор за побрзо справување со напливот бегалци.
Во анализата на УНХЦР се вели дека повеќе од половина од луѓето кои влегле на грчка територија, се Сиријци, 18 отсто се Авганистанци, а шест отсто се Ирачани.
Меѓу сите бегалци дури 20 отсто се деца на разна возраст.
Пред одржувањето на Самитот ЕУ-Турција, холандски дипломати ја промовираа идејата за „привремено создавање на мини-шенген зона“, во која би влегле само дел од западноевропските членки на Унијата.
Холандскиот премиер Марк Руте, не ја коментираше ваквата идеја, но во разговор со домашните новинари предупреди дека доколку ЕУ не го запре напливот на мигранти и не ги ги заштите своите надворешни граници, ќе се соочи со опасноста да ја доживее судбината на античката Римска Империја.
Ново на Сител
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект