Вучиќ: Го замолив Mакрон да вложи дополнителни напори за Косово да се вразуми
Претседателот на Република Србија, Александар Вучиќ, денеска телефонски разговараше со претседателот на Република Франција, Емануел Макрон, и „го замолил да вложи дополнителни напори за Косово да се вразуми“, јави дописникот на МИА од Белград.
– Како и секогаш, отворен и сериозен разговор со претседателот Макрон, кому му ги презентирав последиците од опасниот развој на ситуацијата на Косово и Метохија. Сега веќе нескриеното насилство насочено против Србите на Косово и Метохија сè појасно ја отстранува секоја можност за цивилизиран разговор и пристап кон решавање на отворените прашања, објави Вучиќ на Инстаграм профилот „будуќностсрбијеав“.
Како што додаде, Србија останува посветена на дијалогот и зачувувањето на мирот, „иако српската заедница на Косово и Метохија е единствената етничка група во Европа која е изложена на постојано насилство“.
– Побарав од претседателот Макрон да вложи дополнителни напори за приштинската страна да се вразуми и што поскоро да се врати во рамката на конкретни разговори, како и да престане да ги прави бесмислени сите напори насочени кон деескалација на ситуацијата, посочи српскиот претседател.
Тој додаде и дека му се заблагодарил на Макрон за неговата подготвеност да го сослуша Белград, како и за неговата решеност да вложи дополнителни напори за решавање на исклучително сложената и пред сè опасна ситуација на Косово.
Ново на Сител
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан