Грчките супермаркети очекуваат недостиг на храна од следната недела
Големите синџири на супермаркети и прехранбената индустрија во Грција изразија голема загриженост за снабдувањето на пазарот следната недела, јави дописникот на МИА од Атина.
Според претставници на прехранбената индустрија, проблеми ќе има со снадбеност најмногу на свежо месо, риба и млечни производи, затоа што побарувачката на пазарот во овие категории главно се покрива со увезена стока.
Бизнисите кои го користат месото како суровина, како што се производителите на колбаси и филети, веќе се соочуваат со недостиг, кој го попречува нормалното работење.
Во следните неколку дена, исто така, се очекува да се почувствува и недостиг на грчко месо, со оглед на тоа што индустриите со храна од животинско потекло предупредија дека имаат резерви само до утре. Иако домашната побарувачка е главно покриена со храна од животинско потекло произведено во Грција, 70 отсто од суровините се увезуваат. Залихите на задругите на островите, како што е Наксос, каде субвенциите за храна од животинско потекло се исплаќаат еднаш месечно, веќе се многу ниски бидејќи не беше можно да се направат нарачки за јули.
Покрај тоа, многу порано од што се очекуваше може да дојде и до недостиг на храна што не се расипува, како што се тестенини, ориз и грав, со оглед на зголемената побрувачка.
Во првите неколку дена по најавата на референдумот, прометот на супермаркетите порасна за 35 отсто.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата