Претставување на поетското творештво на Славе Ѓорѓо Димоски во рамки на научната визита на МАНУ во Охрид
Во рамки на четвртата научна и уметничка визита што ја организира МАНУ, во куќата на Уранија во Охрид утревечер со почеток во 19 часот ќе биде претставено поетското творештво на Славе Ѓорѓо Димоски собрано во книгата „Поезија – Ткаења“.
Промотовен збор за творештвото на Димоски ќе одржат академик. Катица Ќулавкова и Мите Стефоски, директор на Струшките вечери на поезијата, а избрана поезија на авторот ќе читаат актери од театарската група „Аматер“.
Димоски во досегашното творештво има десет стихозбирки, четири книги за деца, три книги есеи, осум изданија со избор од неговата поезија, тринаесет книги објавени на други јазици, а негови поетски циклуси и поединечни песни се преведени на над триесет јазици, меѓу кои: англиски, француски, руски, малезиски, српски, романски, турски, албански, шведски, шпански, чешки, хрватски, словенечки, полски, азерски, украински, бугарски, германски, хебрејски, арапски, италијански, грузиски, ерменски, монголски...
Застапен е во сите антологии на македонската поезија објавени во Македонија и низ светот од 1982 година наваму.
Славе Ѓорѓо Димоски е добитник на бројни награди и признанија меѓу кои наградите „Млад борец“, „Млада Струга“, „Златно Јаболко“, „Браќа Миладиновци“, „Гран-при на Европа“ во Романија, „Златна Есен – Сергеј Есенин“ во Русија, а двапати е лауреат на највисокото општинско призније – „Св Климент Охридски – патрон на Охрид“.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата