Средба на претседателот Пендаровски со пензионираните генерали во Армијата
Претседателот Стево Пендаровски, денеска оствари работна средба со пензионираните генерали во Армијата на Република Северна Македонија, на која потенцираше дека земјава, како идна членка на НАТО, ја презема обврската да придонесува во овој колективен систем на безбедноста, каде што нашата Армија ќе биде рамноправна и компатибилна со сојузничките армии од другите земји членки на Алијансата, придонесувајќи за глобалната безбедност, соопшти кабинетот на претседателот Пендаровски.
Претседателот и Врховен командант на Армијата, заблагодарувајќи им се на пензионираните генерали за, како што посочи, несебичното залагање и придонес во градењето на Армијата, истакна дека тие и натаму треба да го даваат својот придонес, а државата да го користи нивното знаење и искуство во натамошните реформи, обучување на млади кадри и подготовка на нови законски проекти во интерес на Армијата и државата.
Претседателот нагласи дека ги поддржува реформите во одбраната и развивањето на професионална и модернизирана Армија и рече дека се залага за подобрување на животниот и професионалниот стандард на припадниците на Армијата, како и зголемување на одбранбениот буџет на 2 отсто од БДП согласно критериумите на НАТО.
Пензионираните генерали изразија задоволство и благодарност до Претседателот за организирањето на оваа средба и изразија подготвеност за нивно вклучување во процесите и предизвиците кои претстојат.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите