Во англискиот град Плимут убиени пет лица, загинал и напаѓачот
Пет лица се убиени синоќа во напад во англискиот град Плимут, а според досегашните информации, нападот го извршило едно лице.
Скај њуз, повикувајќи се на полициски извори, објави дека пет лица се убиени, три жени и двајца мажи, а на местото на инцидентот е пронајдено и мртвото тело на напаѓачот.
Пратеникот од Плимут, Џони Мерсер, на својот профил на Твитер објави дека ова не е терористички напад, но додаде дека станува збор за „сериозен и трагичен“ инцидент и од граѓаните побара да ги слушаат упатствата на полицијата.
Би -Би -Си јавува дека полицијата побарала од граѓаните да останат во своите домови.
Весникот „Плимаут Хералд“ информира дека над градот биле забележани повеќе хеликоптери за брза помош, а многу амбулантни возила и уште повеќе полицајци на улиците. Неколку улици низ градот беа затворени за сообраќај.
„Полицијата е повикана во врска со сериозен инцидент со пукање во Бидик Драјв, во областа Кехам, во Плимут, околу 18 часот и 10 минути“, соопшти полицијата, пренесе „Индипендент“.
„Пристигнаа полициски службеници и амбулантни возила. Неколкумина загинаа на местото на настанот, а неколкумина се повредени. Прогласен е критичен инцидент. Областа е затворена и полицијата верува дека ситуацијата е под контрола”.
Според извештаите на британските медиуми, пет или шест лица загинале, а полицијата го убила напаѓачот.
Ново на Сител
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата
-
Преодно стабилизирање на времето се очекува во петок